تفاصيل عن الاصابة ب hiv دورة حياة hiv داخل الجسم

عرفان بالجميل

مشرف وابة التخلص من الشك - الوساوس - القلق - التوت
4 فبراير 2016
1,992
1,260
0
مصر
منقولة عن الاخ المشرف مرحبا حفظه الله وزاده من نعيمه

لا حول ولا قوة الا بالله العلي العظيم

بص اؤف وانتا بتكلمني وركز معايا
بحاول اشرحلك بشكل مبسط قد ما اقدر وان شاء الله تفهم

.
.

ذحين لما يدخل اي فايروس للجسم لازم ولابد وحتما
انه يلتصق بخلية عشان ينسخ نفسه لازم لازم كويس كذا؟

طيب

عشان ينسخ نفسه يضحك على الخلية يعمل نفسه
صديق عشان الخلية تسمح له يدخل داخلها
يعني مثل حصان طروادة اول ما يدخل الفايروس
للخلية يروح جاري على مركز العمليات (النواة)
عشان ينسخ نفسه في شريط الحمض النووي
تقوم الخلية تعرف انها غلطت غلط كبير طبعا كل خلية
عندها بداخلها حرس شخصي يحميها من الغزاة فالحرس ذول
يبدوا يقاتلوا الفايروس لين ياخذوا عينة منه
ويرسلوها لاجهزة المخابرات في الجسم عشان يعمم
ويعمل تحذير لكل الخلايا انها ما تسمح لدخول هذا الكائن
داخلها لانه عدو ويرسل العينة ذي لمصنع الاجسام المضادة
يقله اصنع لنا دبابات تقدر تقتل الفايروس ذا
ويبدا المصنع يصنع الاجسام المضادة تناسب الفايروس
بس الفايروس ذكي يهاجم الخلايا بشراسة قبل ماتخرج
الاجسام المضادة ويسيطر على اكبر قدر ممكن من الخلايا
وتبدا الخلايا تفجر نفسها عشان تموت الفايروس معها
تنتحر يعني لكن مافي فايدة الفايروس انتشر خلاص
تخرج الاجسام المضادة وتبدا الحرب طبعاً يقل عمل الفايروس
يقلل من تحركاتة لان الجيش منتشر وتسير الحرب كر وفر
هذا الكلام كله خلال يوم يومين ثلاثة بالكثير من دخول الفايروس
ووقتها تكون الاعراض الاولية الي هيا المرحلة الاولى
وتبدا من ثاني يوم لين ثاني اسبوع بالكثير ووقتها تكون
الاجسام المضادة بالملايييييين في الدم وتبدا تسيطر
مبدئياً على ميدان المعركة وتختفي الاعراض خلاص
.
.
وتدخل في المرحلة الثانية الي وقتها
تستمر معركة الكر والفر عاد كمتوسط 10 سنوات
وبعدها يتفوق الفايروس ويقتل اكبر قدر ممكن من الخلايا
ووقتها تبدا المرحلة الثالثة الي هيا مرحلة الاعراض الانتهازية
( الايدز) وتبدا تهاجم البيكتريا والفطريات والجراثيم
الي كان مسيطر عليها الجسم يعني كانه بلد خرب وخرجوا
المساجين وقاموا البلطجية بيخربوا البلد وكذا يعني
لين تنتهي المقاومة نهائياً وتبدا مرحلة الهلاك والموت
عاد بعد 15 سنة الله اعلم..
.
.
لكن اذا استخدمت العلاج توقف على المرحلة الثانية
الاجسام المضادة منتشرة ومعاها الدوا يساعدها
يعني كانه دولة استعانت بدولة اخرى تساعدها
وتستمر وتعيش طبيعي مثلك مثل اي شخص
الى ان يقضي الله امرا كان مفعولا
.
.
طبعاً مستحيييييييييييل يختفي الجيش تبع دولتك
طبعاً هوا يبدا يخرج من اول اسبوع بس متى يكون ظاهر
في الدم هنا السؤال فعند اكثر من 95%
من الناس يكون ظاهر وواضح
بعد ثلاثة أسابيع لفحص الاليزا
وبشكل مؤكد عند الجميع بعد 6 اسابيع
ومافي اي سبب يخليها تختفي او تتاخر اكثر من كذا
الا اذا انت استخدمت العلاج الوقائي خلال اول يومين
ومش شرط برضه بس احتياط يعني نقلك ابدا احسب
شهر من اخر استخدام للعلاج وحلل وعيد بعد ثلاثة أشهر نهائي..


.
.

بعض النظريات وركز معايا نظريات يعني غير مثبتة
مجرد نظريات انه ممكن ياخر ظهور الاجسام المضادة
الي هوا العلاج الكيميائي الحاد او مثبطات المناعة
مثل شخص زرع عضو او شخص منعدم المناعة
وهذه النظريات كانت مذكورة لك امس في كلامي الانقليزي
وهوا كلام الطبيب هنتر هانسلفد..

.
.

ان شاءالله يارب تتنع كذا لانه اكثر من كذا
ما ادري ايش نقدم لك عشان تقتنع
يعني 6 اسابيع كافية لاثبات او استبعاد الاصابة
وثلاثة اشهر مدة فضفاضة جداً يعني فوق الاحتياط
وهيا كافية ونهائية لجميع الفحوصات الطبية
وجميع الفايروسات وكل شيء يعني..
.
.

في الاخير نسال الله ان يهديك
واتمنى لك دوام الصحة والعافية والراحة والطمأنينة.
 
16 مايو 2022
16
0
1
اجمل مختصر في هذا النادي
اضيف علا كلامك انه تحليل الرابت تيست للأجسام المضاده لو تحليل الاليزا بلمتخبر هو واحد يعمي مش يجي حد يقول الرابت تست ثلاث شهور والإجسام المضاده شهر هو لما يطلع الاجسام المضاده ممكن تقيسه باي جهاز خصوصا الرابت تست نسبة حساسيته 99.99% يعني بعد شهر انت خلاص اطمن فقط في حالات التعرض الشديد جدا يبقى يتغير بعد شهر وشكرا