Text Example

منتديات الحصن النفسي ترحب بكم

Text Example

مشاهدة نتائج الإستطلاع: مشكلتى ديه يا جماعه منتشره ولا ؟

المصوتون
2. أنت لم تصوت في هذا الإستطلاع
  • اه منتشره وناس كتير عندها نفس المشكله

    2 100.00%
  • منشره اه بس مش اوى يعنى

    0 0%
  • فى ناس كده

    0 0%
  • لا

    0 0%
إستطلاع متعدد الإختيارات.
النتائج 1 إلى 7 من 7

الموضوع: الرهاب الاجتماعى و خطوبتى :((

  1. #1
    عضو إيجابي

    User Info Menu

    Unhappy الرهاب الاجتماعى و خطوبتى :((

    سلام عليكم

    ازيكم جميعا .. انا كان نفسى اسجل فى المنتدى من زمان لانه عجبنى جدا و ماشاء الله الاعضاء فيه متكاتفين مع بعض و بيقدموا لبعض نصايح انا نفسى استفدت منها فربنا يبارك فيكم و يجعل لك واحد فيكم من مرضه شفاء اللهم آمين ..

    النهارده انا عاوز اطرح عليكم مشكلتى يمكن اقدر الاقى عند حد منكم جواب يساعدنى او تجربه اقدر استفيد منها ..

    باختصار كده : انا محاسب شغال بره مصر و عندى 24 سنه و الحمد لله الامور الماديه تمام .. مشكلتى انى المفروض انزل عشان اخطب لكن انا باجل النزول لانى عارف انى لو نزلت لاااااااازم اخطب بناءا على زن والدى ووالدتى و بناءا على ان كل ظروفى متاحه وكمان بصراحه انا فعلا محتاج للزواج .. لكن انا رهااااااااااااااااااااابى

    اولا : بخجل جدااااا لما بنت تكلمنى او بكلم بنت وببقى متلخبط و وشى بيحمر و مابقاش عارف اقول ايه ولا اقف ازاى و لا اعمل ايه وبحس ان كلامى سخيف و بحس انى مش على بعضى كده وبعرق جامد جداااا و بحس ان البنت لاحظت ده و بدات تستهيفنى وكمان بما انى طويل وعريض فبقول فى نفسى تلاقيها دلوقتى بتقول طويل و هايف

    ثانيا : بحكم عملى بره فانا عايش مع اصدقائى فى الشركه وفى السكن وكده .. المفروض بئه يكون فى حد فيهم قريب منى او انتمنا مع بعض .. الا ان ده ماحصلش ومابيحصلش ساكن مع ناس فى شقه كلهم اتنينات ولما ناس تمشى و ناس تيجى برده اتنينات و كده متصاحبين يعنى مع انى بحاول اقرب منهم و اتكلم معاهم الا انا بحس انهم بيملوا منى برضه و ان كل واحد فيهم بيحس انى ممل وان فى ناس يقدر يصاحبهم تبقى المصاحبه معاهم شيقه اكتر بدل الملل بتاع الواد ده (

    ثالثا : وده الاهم انى حاسس ان كلامى ممل جداااااااااااااااا ، انا اصلا بمجرد مابدا اقول حاجه بحس ان اللى قدامى خلاص مل وعايز يقولى انجز وفعلا بلاقى اللى قدامى بدا يتململ كده و يتاوب و يشوف اى حاجه يتسلى فيها لحد ما اخلص كلامى الممل مع ان كلامى موجه ليه ، انا مستمع بدرجه امتياز اللى قدامى اقدر بايحائاتى وبإيمائاتى اخليه يتكلم من هنا لميه سنه قدام بس بحس انى فى موقف ضعف لما يوجهلى سؤال عشان ارد مابعرفش .. انا كان جالى اكتئاب وقلق ووسواس ايام الكليه و خدت سيروكسات 20 مل وكان حبه الصبح وحبه بالليل واستمريت عليه لمده 4 سنين بعد سنه ونص من العلاج الاكتئاب والقلق و الوسواس راحم الحمد لله فبدأت اقلل مع نفسى الجرعه لحد ما وصلت لنص حبه اول الاسبوع و نص فى نص الاسبوع مع العلم انا اصلا رهابى من وانا صغير ..


    ( هقول لخطيبتى ازاى انى مريض نفسى ؟؟ هقولها ازاى انى باخد ادويه نفسيه ؟ هل هتتقبل ده ؟ ازاى هقدر اكلمها وانا ماعنديش ثقه فى كلامى ؟ ازاى هتقدر تتأقلم معايا وانا اصلا كل اللى بيقرب منى بيمل ازاى هتقدر تحبنى ، كان نفسى من زمااااان بنت تحبنى بس اظاهر انه مش هيحصل .. ازاى هى هتقدرنى وانا اصلا مافيش حد بيقدرنى للمشاكل اللى عندى وعدم قدرتى على التواصل مع الناس ؟) امبارح قريت قصه حب كده يعنى وعجبتنى جدا بس كانت بين اتنين مخطوبين زعلت جداااااا وقولت شكلى ماليش نصيب فى موضوع الحب ده و خطيبتى او زوجتى هتعيش معايا و هتتقبلنى على اساس اهو ضل راجل ولا ضل حيطه وهتبقى حياتنا روتين فى روتين .. حد يقدر يساعدنى يا جماعه ؟؟

    ( معلش الموضوع كان اوله اختصار قلب برغى كتيييييير )

  2. #2
    عضو إيجابي نشط

    User Info Menu

    الأول أهلا بيك يا محمد في الحصن
    ثانيا تقدر تضغط على لوحة التحكم عشان تتابع كل الردود على مواضيعك ومتحيرناش معاك

    الاهم بقه
    توكل على الله واخطب وانزل اجازة
    ايه يعني لو كلامك ممل مين في الدنيا دي كلامه مش ممل
    يابني الواحد بيسمع نكته واحد يعتبرها رائعة وعشرة يعتبروها مملة
    فمتحطش في دماغك انك ممل

    ثم طبيعي لما تكلم بنت هتكون متلخبط بس لما تتكلم مع واحدة ناوي تخطبها وتتجوزها ربنا هيسر لك الموضوع لان نيتك كويسة

    وعلى فكرة معاملة الرجالة غير معاملة النساء فما تقارنش زملاء السكن او العمل بأصدقاء الطفولة او شريكة الحياة

    طمنا كده وعاوزين نفرح بيك يا محمد


    إنا لله وإنا إليه راجعون
    اللهم أجرنا في مصيبتنا ، واخلف لنا خيرا منها

  3. #3
    عضو إيجابي نشط

    User Info Menu

    بص يا محمد ، انت جرئ والغربة دي مش أي حد يقدر عليها ومع ذلك انت قدرت تسافر وتتعامل مع ناس لا عمرك شفتهم قبل كده ولا حاجة والحمد لله مستمر وبتحقق نجاح مادي كويس
    عاوز نصيحتي ، خليك على طبيعتك مع عروسة المستقبل احكيلها همومك ( بس ما تفكرش انك مريض ولا انك بتاخد ادوية )
    ولو احتجت اي مساعدة قول يارب ثم اسألنا

    بالتوفيق يا معلم

    إنا لله وإنا إليه راجعون
    اللهم أجرنا في مصيبتنا ، واخلف لنا خيرا منها

  4. #4
    عضو إيجابي

    User Info Menu

    اقتباس المشاركة الأصلية كتبت بواسطة مجتهد مشاهدة المشاركة
    بص يا محمد ، انت جرئ والغربة دي مش أي حد يقدر عليها ومع ذلك انت قدرت تسافر وتتعامل مع ناس لا عمرك شفتهم قبل كده ولا حاجة والحمد لله مستمر وبتحقق نجاح مادي كويس
    عاوز نصيحتي ، خليك على طبيعتك مع عروسة المستقبل احكيلها همومك ( بس ما تفكرش انك مريض ولا انك بتاخد ادوية )
    ولو احتجت اي مساعدة قول يارب ثم اسألنا

    بالتوفيق يا معلم

    جزاك الله خيرا يا مجتهد .. كلامك حمسنى فعلا .. وحااضر هبقى ادوس على زرار المتابعه و مش هحيرك معايا

  5. #5
    عضو إيجابي نشط

    User Info Menu

    نصيحتي لك , توكل على الله وصل الإستخاااارة وأخطب ..
    والزواج يخفف من الرهاب , ومثلما قال أخوي مجتهد , لا تقارن زوجتك بزملاء العمل والأصدقاء ..

  6. #6
    عضو إيجابي

    User Info Menu

    جزاكم الله خيرا على الرد و النصيحه .. لكن ما معنى الا اقارن بين زملائى و زوجتى ؟؟ هل هناك فرق فى المعامله ؟

  7. #7
    عضو إيجابي نشط

    User Info Menu

    في فرق كبير

    إنا لله وإنا إليه راجعون
    اللهم أجرنا في مصيبتنا ، واخلف لنا خيرا منها

المواضيع المتشابهه

  1. انقل لكم قصة شخص تعافى من الرهاب الاجتماعي ويقول الخلطة السحرية للرهاب الاجتماعي وكل الامراض النفسية وغيرها
    بواسطة سحر الشرق 77 في المنتدى بوابة التخلص من الخجل - الخوف - الرهاب الاجتماعي
    مشاركات: 4
    آخر مشاركة: 02-12-2019, 02:33 PM
  2. الرهاب الاجتماعي
    بواسطة حزين77 في المنتدى بوابة التخلص من الخجل - الخوف - الرهاب الاجتماعي
    مشاركات: 0
    آخر مشاركة: 20-01-2014, 11:14 PM
  3. هل الرهاب الاجتماعي ممكن يسبب انواع اخرى من الرهاب؟؟؟
    بواسطة ابي اصير كويس في المنتدى بوابة التخلص من الخجل - الخوف - الرهاب الاجتماعي
    مشاركات: 3
    آخر مشاركة: 03-01-2013, 12:15 PM
  4. الخوف الاجتماعي أو الرهاب الاجتماعي لا يقلقك فهوا امرا طبيعي
    بواسطة مرداس في المنتدى بوابة التخلص من الخجل - الخوف - الرهاب الاجتماعي
    مشاركات: 13
    آخر مشاركة: 09-11-2012, 01:11 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •