السلام عليكم و رحمة الله و بركاته على الجميع ...
يا حبايب ابغا اعطيكم قصة بسيطة للأخوان الموسوسين و اللي انا منهم و انشالله انكم تعرفو ايش اللي صاير معاكم و ينفعكم الموضوع ...
بداية القصه انا حصل معايا الوسواس مرتين من مرض نقص المناعه و في كل المرتين كان الوسواس بدون علاقة جنسية و الحمدلله و انما خوف من تلامس جروح و من هذا الكلام و ركز على كلمة انها ما كانت علاقة جنسية بمعنى اخر ان الجميع كان يقولي ان نسبة الانتقال صفر !!! و مع ذلك انا موسوس عاد امر الله لا تقولي ليش ... ما علينا
اذا كان تقول عندك اعراض بالتالي خذ عندك :
المره الاولى : جاتني سخونه ، طفح جلدي ، التهاب في الغدد اللمفاوية ، حزام ناري !!!!
انت متخيل اني سويت عملية عشان يختبرو سبب التهاب الغدة اللمفاوية و شالو وحدة من رقبتي عشان يشوفو ايش فيها و لله الحمد طلعت سليمة !!! انت متخيل ان يجيني حزام ناري اللي واحد من اسبابه ضعف المناعة و اذا قرأت عنه في النت يقولك من اسبابه الايدز !!! هذا كللللللللللله والله الذي لا اله الا هوا كان سببه ضعف المناعة فعلا و لكن بسبب الوسواس و المرض النفسي و الدمار اللي يجيك من التفكير .
المرة الثانيه : جاني ارتفاع حرارة جسم بدون سخونه ، سيلان انف لمدة اسبوع و اكثر ، طفح جلدي في الجسم و التهاب غدة في الرقبة مره ثانيه !!!!
يا اخوان هذي اعراض تخليك مجنون في مكانك رغم ان الجميع يقولك ان علاقتك ما تنقل و امورك طيبة لكن هذا الوسواس ما يرحم !!! انا قولتلك انا وضعي في السليم و حالتي صارت كذا اجل كيف وضع اللي تكون علاقته خطره !!
الوسواس يا حبايب مدمر اكثر من المرض نفسه و رح يجيبلك كل اللي تنتظره من اعراض واحد ورا الثاني و انت تتفرج و تتدمر .
اعرف تماما اللي يقولوه الدكاتره و الاخوان هنا و لكن نصيحه لك كأخو انشالله ان مافيك شي و امورك تمام بس لا عاااااد تسأل ينقل و لا ما ينقل !! ينفع ولا ينفع ... ! في شي اسمه العقل الباطن مهما اتطمنت رح يرجع الموضوع في بالك و ماله علاج الا التحليل و انك تغصبه على النسيان مجرد ان في يدك تحليل قطعي رح ينتهي الموضوع انشالله ... اتوكل على الله و روح ارتاح و حلل
اذا مر عليك 3 اسابيع روح سوي الكمبو يعطيك نسبه فوق 90٪ و اذا لك 4 اسابيع روح حلل كمبو يعطيك فوق 99٪ و القطعيه 6 اسابيع كمبو 100٪
راح ترتاح في كل مره تروح فيها ... وضعك ما يسمح ؟؟ روح بعد 4 اسابيع و عيده بعد 6 اسابيع و اقفل الموضوع تماماً !!! اي تحليل بعد كذا يكون عشان دكتور نفسي مو عشان شي ثاني ... الصحة اغلى من الفلوس و لو ما كنت املك الا فلوس التحليل كنت صرفتها فيه عشان ارتاح ... ااهم شي مكان معتمد و ممتاز
للمعلومية انا مو دكتور و لكن الكلام هذا اخر تحديث لكلام الدكتور نزار في البث المباشر !! الدكتور هنتر و الدكتور هوك قبل سنة كانو يقولو القطعية 4 اسابيع و مؤخراً غيروها 6 اسابيع حسب منظمة cdc ....
العيادات في بريطانيا ما زالت تقول 4 اسابيع شبه قطعي و توصي باعادته 6-8 اسابيع ... و لكن مافي نتيجة عندهم اتغيرت
روح حلل و ارتاح ترا الوسواس مرض اقوى مليون مرة من اللي انتا خايف منه ... انا حللت في 25 يوم و 30 يوم و 6 اسابيع و كل مره كنت احس النفسية افضل و لله الحمد ...
اتذكر فقط ان انشالله انتقال الفيروس مو سهل
كلمة اخيرة لاخواني المتعايشين الله يكتب اجركم و يعجل لكم في الشفاء التام انه سميع مجيب ..
انا اسف يا حبايب على الاطاله و الله يحفظكم و يحفظ الجميع من كل مكروه ...
رد مع اقتباس
مواقع النشر (المفضلة)