السلام عليكم و رحمة الله و بركاته
صراحة انا مش عارفة ابتدي منين انا بخاف من الناس من و انا صغيرة انا عندي 29 و الموضوع ده مسببلي مشاكل في شغلي و نفسيتي بالنسبة لشغلي انا شغالة خدمة عملاء و قربت اكمل سنتين فيها بس المشكلة اني بخاف اتكلم مع الناس فده ساعات بياثر علي شغلي في شغلي في حاجة عندنا اسمها aht يعني الوقت الطبيعي بتاع المكالمة اللي هو المفروض 230 و انتي لو جبتيه او جبتي اقل منه تبقي من ال top achievers بس بسبب خوفي من الناس ساعات بماطل في المكالمات و بخاف اتعامل مع اي حد عنده ثقة في نفسه، خوفي ده مخليني فاقدة الثقة في نفسي، و بقيت مش بحب نفسي و شايفة نفسي فاشلة و اني معنديش اي مهارات في الحياة و معرفش ادافع عن نفسي او ارد علي حد و يبقي عندي حزم او اني اقول لحد لا في حاجات ممكن تاخد من وقتي او تضيعلي وقتيمن حاجات ممكن تكون فيها فايدة لنفسي يعني باجي علي حساب نفسي، علي الرغم من ان الشغلانة دي مش حباها اوي بسبب خوفي الا اني لو اتغلبت علي الموضوع ده انا عرفة اني هبقي شاطرة فيا لاني عارفة ان الانسان لو حط في دماغه انه يعمل حاجة هيعملها، مضايقني كمان ان المدرب اللي كان بيدربني كل اللي كان بيدربهم في الشركة شاطرين في شغلهم بس اما بيشوفني بيقولي بتهريج انهم بيعايروه بيا و اني اكتر حاجة ندم عليها،
اعتقد ان الموضوع ليه علاقة اني لما كنت صغيرة اتعرض لبعض المضايقات في المدرسة كانت في بنت تقول للميس بتاعتي ان قلت الفاظ مش كويسة و انا مكنتش بقول و كذا مرة اروح للمدير بسبب المشكلة دي و كان المدير يهددني انه هيكهربني لو قلت كده تاني و و مرة مدرسة ضربتني علي و شي بسبب بنات ضايقوني اهلي معرفوش عن الحاجات دي غير لما كبرت انا فاكرة مرة اختي الصغيرة واحد ضربها فماما قالتلها خدي حقك بنفسك انا عندي اخواتي التنين عندهم ثقة في نفسهم و شخصيتهم قوية لكن انا دايما باصة اني شخصية ضعيفة و ساذجة و معنديش شخصية و بقت عندي حلاات اكتئاب نفسي اتقبل نفسي ذي ما انا و احبها و يبقي عندي ثقة في نفسي و اني احقق احلامي و يبقي عندي حياه بس المشكلة ان خوفي من الناس ده هو اللي مضيعني