قبول مشرفين جدد بمنتديات الحصن النفسي ... اضغط هنا للتفاصيل وأهلا بك

النتائج 1 إلى 4 من 4

الموضوع: عقدتي الفترة دي ارجو الحل

  1. #1
    عضو إيجابي جديد

    User Info Menu

    Unhappy عقدتي الفترة دي ارجو الحل

    انا سني 31 سنة و لسه ما تزوجتش طبعاً الطبيعي ان عندي اكتئاب بسبب تأخر زواجي و الناس مش سيباني في حالي و كلامهم كل مدى بيكتر كل ما كبرت سنة أنا بتعالج علاج نفسي من سنة ما بابا الله يرحمه مات يعني بقى لي 8 سنين في دوامة العلاج النفسي

    مشكلتي و عقدتي بقى ان مجتمعنا بيفرق بين الست و البنت في كلام ما ينفعش يتقال قدام بنات لكن ينفع الستات يتقال قدامهم عادي و اجي اسأل عن السبب الناس تجاوبني ان الكلام ده يخدش حياء البنت و الراجل يحب تتزوج واحدة ما تعرفش حاجة مش بيحب يلاقيها عارفة كل حاجة حتى الدكاترة النفسيين بيقولوا لي الست غير البنت مع العلم اختي الصغيرة ست اصغر مني بسبع سنين تزوجت اربع شهور و طلقت طبعاً انا عارفة ان حالي احسن من حالها بس عندي عقدة ان هي عارفة حاجات انا ما اعرفهاش و ينفع يتقال قدامها الكلام الخاص بالستات ان اللي غايظني ان هي الصغيرة و ست و ينفع يتقال قدامها الكلام ده و انا الكبيرة الشحطة و بنت و ما ينفعش يتقال قدامي الكلام المعروف ان الاكبر منك بيوم يعرف عنك بسنة و يوم صباحية اختي ماما و اخويا كانوا بيتكلموا عن ليلة دخلة اختي و يخلوني انا اروح حتة تانية علشان ما اسمعش الكلام ده و اللي غايظني و كايدني ان انا يوم صباحيتي هيتكلموا قدام اختي عادي لان هي ست و بيتقال لي من صغري البنات ما يقعدوش مع ستات البنت ما تصاحبش ست و في حاجات كتير ينفع الست تعملها و البنت لا يعني مثلاً لو البنت عندها مشكلة نسائية ما تروحش لدكتورة نساء حد يسأل لها دكتورة معلش حتى الدكتورة النفسية قالت لي عايزة تبقي بنت و تدخلي عيادة نساء عمرنا ما دخلنا عيادات نساء و احنا بنات ده مثال و في حاجات تانية مش متذكرها دلوقتي ما تنفعش للبنت هقول اللي متذكراه مثلاً الحداد البنت ما تطلوش في الحداد لكن الست تطول عادي البنت طول ما هي بنت اهلها ليهم كلمة عليها و لازم لما تغلط يعاقبوها زيها زي الطفلة لكن الست لو ارملة او مطلقة اهلها ما لهمش كلمة عليها مع ان الاسلام قال فوق سن ال 21 اترك له الحبل على الغارب
    البنت عيب تتأخر في الشارع بالليل بره بيتها الست عادي حتى لو مش عادي مش عيب زي البنت و البنت عيب تبات بره بيتها لوحدها او مع صديقاتها الست عادي و شرحه حتى لو عادي مش عيب زي البنت بجد انا تعبت و اتخانقت و عندي عقد و كلاكيع جوايا و مطلوب مني ان لو ربنا كاتب لي ان ما اتزوجش خالص اعيش حياة سعيدة من غير زواج
    و انا مش قادرة اعيش سعيدة من اغير زواج و كل التحكمات دي تمشي مع البنت و مجتمعنا بيقول ان الست غير البنت ارجوكوا شوفوا لي حل للعقدة دي حتى لدرجة اني قولت لماما مش طايقة اني بنت لحد دلوقتي قالت لي الكلام ده كلام الناس الفُجر مش كلام الناس المحترمين الاشراف ​يعني ما حدش قادر يحل مشكلتي و الكل واقف ضدي و ماشي مع تخلف مجتمعنا و ما لقتش غير المنتدى ده ابوح بيه و افضفض و الاقي حل ز أسفة على الاطالة

  2. #2
    عضو إيجابي

    User Info Menu

    السلام عليكم ورحمة الله وبركاته
    بداية اسأل الله لك صلاح الحال وأن يعجل لك بزوج صالح تقي نقي قريبا

    أختي أنا هقولك على بعض الاشياء قد تهون عليكي أمرك
    لست الوحيدة من ابتلاها الله بتأخر الزواج احيانا لما يشعر الانسن ان في مثله تهون عليه الامور
    هناك من هم اكبر وللاسف يتعرضون لكلام ومضايقات ..كأن الأمر بأيدينا مثلا !!
    لم يأت النصيب بعد هل بأيدينا شيء ؟
    فتذكري ان هناك من هم مثلك ..ليهون عليكي الامر ..تمسكي بالدعاء كثيرا
    والقرآن

    ثانيا أنصحك ان تشغلي نفسك بالقراءة و العلم الشرعي وان تيسر لك الالتحاق بمعاهد شرعية أو العمل او الدراسة لتشغلين وقتك
    الفراغ يجعل الافكار والوساوس تأكل الرأس والاكتئاب يسيطر على النفس

    ثالثا ردا على الامور التي تقولين الست غير البنت
    انا احس بيكي جدا جدا لما اهلي يتحكموا في وانا كبيرة كفاية ولكن اصبر واحتسب واحاول برهما
    واعلم ان الله لن يتركني وسيعينني ويعوضني بكل خير
    كوني واثقة في الله وربنا كريم
    اما بالنسبة الكلام اللي مينفعش يتقال قدام البنات ..انا من وجهة نظري لا يتقال قدام بنات ولا ستات ومن الحياء والادب عدم الخوض ف هذه الامور
    مجرد ذكر هذه الامور والتعرض لها من بعيد اخجل جدا جدا
    ولكل شيء اوان وفي الاول والاخر ابتلاء

    ....
    كنت اتمنى ان افيدك جدا
    ولكن اريد ان اخبرك ان الحزن يسيطر علي احيان كثيرة اي بنت نفسها تتزوج وتعيش حب وسكن في الحلال ولكن رزقنا مقدر في السماء
    كل ما بايدينا الصبر و الرضا
    وان نحاول ان نزيد ايماننا بالتقرب الي الله والصلاة والدعاء والقرآن
    واستغلال الوقت الحالي في ما ينفع في الدنيا والآخرة
    لا تتركي نفسك للفراغ .ولا تنسيني معك من الدعاء
    اللهم اني أسألك إيمانا يباشر قلبي و يقينا حتي أعلم أنه لن يصيبني إلا ما كتبت لي

    ربنا لا تؤاخذنا إن نسينا أو أخطأنا ربنا و لا تحمل علينا إصرا كما حملته علي الذين من قبلنا ربنا و لا تحملنا ما لا طاقة لنا به ..و أعفو عنا و أغفر لنا و ارحمنا ..أنت مولانا فأنصرنا علي القوم الكافرين

    لا إله إلا أنت سبحـــــــــــــــــــــــــــــــــــانك إني كنت من الظالميـــــــن

  3. #3
    عضو إيجابي

    User Info Menu

    وبالنسبة لدكتورة النساء ع فكرة عادي جدا في بنات بتروح لدكاترة نسا اذا حست بشكوي معينة او اضطرابات او غيره الفرق بيكون ان الستات فقط هما اللي بيكشفوا بطرق معينة اما لو عندك شكوى متغفليش عنها ابدا روحي استشيري الطبيبة ولو طلبت اشعة او سونار اعمليه وهي توصفلك علاج او تطمنك او غيره
    دا مفهوم خطأ من حوالي خمس سنوات كان عندي شكوى معينة روحت للدكتورة وعملت لي سونار و كتبت لي على دواء والامر بسيط جدا بفضل الله
    وفي حاجات متتهملش ابدا وربنا يوفقك
    اللهم اني أسألك إيمانا يباشر قلبي و يقينا حتي أعلم أنه لن يصيبني إلا ما كتبت لي

    ربنا لا تؤاخذنا إن نسينا أو أخطأنا ربنا و لا تحمل علينا إصرا كما حملته علي الذين من قبلنا ربنا و لا تحملنا ما لا طاقة لنا به ..و أعفو عنا و أغفر لنا و ارحمنا ..أنت مولانا فأنصرنا علي القوم الكافرين

    لا إله إلا أنت سبحـــــــــــــــــــــــــــــــــــانك إني كنت من الظالميـــــــن

  4. #4
    عضو إيجابي

    User Info Menu

    44 نصيحة صوتية لمرضى الإكتئاب
    https://youtu.be/V5BvvGPSqJU

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •