قبول مشرفين جدد بمنتديات الحصن النفسي ... اضغط هنا للتفاصيل وأهلا بك

النتائج 1 إلى 6 من 6

الموضوع: عقدتي الفترة دي

  1. #1
    عضو إيجابي جديد

    User Info Menu

    Unhappy عقدتي الفترة دي

    انا سني 31 سنة و لسه ما تزوجتش طبعاً الطبيعي ان عندي اكتئاب بسبب تأخر زواجي و الناس مش سيباني في حالي و كلامهم كل مدى بيكتر كل ما كبرت سنة أنا بتعالج علاج نفسي من سنة ما بابا الله يرحمه مات يعني بقى لي 8 سنين في دوامة العلاج النفسي
    مشكلتي و عقدتي بقى ان مجتمعنا بيفرق بين الست و البنت في كلام ما ينفعش يتقال قدام بنات لكن ينفع الستات يتقال قدامهم عادي و اجي اسأل عن السبب الناس تجاوبني ان الكلام ده يخدش حياء البنت و الراجل يحب تتزوج واحدة ما تعرفش حاجة مش بيحب يلاقيها عارفة كل حاجة حتى الدكاترة النفسيين بيقولوا لي الست غير البنت مع العلم اختي الصغيرة ست اصغر مني بسبع سنين تزوجت اربع شهور و طلقت طبعاً انا عارفة ان حالي احسن من حالها بس عندي عقدة ان هي عارفة حاجات انا ما اعرفهاش و ينفع يتقال قدامها الكلام الخاص بالستات ان اللي غايظني ان هي الصغيرة و ست و ينفع يتقال قدامها الكلام ده و انا الكبيرة الشحطة و بنت و ما ينفعش يتقال قدامي الكلام المعروف ان الاكبر منك بيوم يعرف عنك بسنة و يوم صباحية اختي ماما و اخويا كانوا بيتكلموا عن ليلة دخلة اختي و يخلوني انا اروح حتة تانية علشان ما اسمعش الكلام ده
    و اللي غايظني و كايدني ان انا يوم صباحيتي هيتكلموا قدام اختي عادي لان هي ست و بيتقال لي من صغري البنات ما يقعدوش مع ستات البنت ما تصاحبش ست و في حاجات كتير ينفع الست تعملها و البنت لا يعني مثلاً لو البنت عندها مشكلة نسائية ما تروحش لدكتورة نساء حد يسأل لها دكتورة معلش حتى الدكتورة النفسية قالت لي عايزة تبقي بنت و تدخلي عيادة نساء عمرنا ما دخلنا عيادات نساء و احنا بنات ده مثال و في حاجات تانية مش متذكرها دلوقتي ما تنفعش للبنت هقول اللي متذكراه مثلاً الحداد البنت ما تطلوش في الحداد لكن الست تطول عادي البنت طول ما هي بنت اهلها ليهم كلمة عليها و لازم لما تغلط يعاقبوها زيها زي الطفلة لكن الست لو ارملة او مطلقة اهلها ما لهمش كلمة عليها مع ان الاسلام قال فوق سن ال 21 اترك له الحبل على الغارب
    البنت عيب تتأخر في الشارع بالليل بره بيتها الست عادي حتى لو مش عادي مش عيب زي البنت و البنت عيب تبات بره بيتها لوحدها او مع صديقاتها الست عادي و شرحه حتى لو عادي مش عيب زي البنت بجد انا تعبت و اتخانقت و عندي عقد و كلاكيع جوايا و مطلوب مني ان لو ربنا كاتب لي ان ما اتزوجش خالص اعيش حياة سعيدة من غير زواج
    و انا مش قادرة اعيش سعيدة من اغير زواج و كل التحكمات دي تمشي مع البنت و مجتمعنا بيقول ان الست غير البنت ارجوكوا شوفوا لي حل للعقدة دي حتى لدرجة اني قولت لماما مش طايقة اني بنت لحد دلوقتي قالت لي الكلام ده كلام الناس الفُجر مش كلام الناس المحترمين الاشراف ​يعني ما حدش قادر يحل مشكلتي و الكل واقف ضدي و ماشي مع تخلف مجتمعنا و ما لقتش غير المنتدى ده ابوح بيه و افضفض و الاقي حل ز أسفة على الاطالة

  2. #2
    المشرف العام

    User Info Menu

    السلام عليكم ورحمة الله وبركاته

    حياك الله وبياك غاليتي شيم

    يا ابنتي نحن اليوم في زمن الانترنت وكل ما تريدين السؤال عنه موجود ومشروح

    على الآخر ولكن انك لربما تتحسسين من زواج اختك التي تصغرك في السن

    والان هي مطلقة انظري لنفسك ما زلت بنت شابة وعذراء هنا انتِ افضل بكثير من اختك

    اما عن قولك ما يقال امام المراة المتزوجة والبنت هذا شيئ من القديم

    اما الان يا ابنتي كما ذكرت لكِ كله موجود في الانتر نت

    واما عن كلام امك واخيك عن ليلة الدخلة لاختك طبعا هذا الكلام فيه خصوصية خاصة بالاهل

    وهي ان يظهر الزوج بان البنت كانت باكر ولم يمسها احد

    واقول لكِ اتركي هذه الافكار ولا تهتمي لها ابدا

    ان كنتِ تريدين راحة نفسك من كل هذه الاوهام توضأي وصلي ركعتين لله تعالى وخذي كتاب الله تعالى

    واقراي ما تيسر منه سوف تشعرين براحة نفسية وجسدية

    انسي دوما وابدا بان ما يقال امام البنت غير ما يقال امام المراة المتزوجة

    اشغلي نفسك بطاعة الله وتلاوة كتابته الكريم

    ودمتِ بحفظ الله ورعايته







  3. 2 عضو يشكر فضيلة على هذه المشاركة:

    لهيب الماضي (07-09-2017), المختبر (11-09-2017)

  4. #3
    المشرف العام

    User Info Menu

    تم نقل موضوعك الى قسم لست وحدك أ. د. امل




  5. #4
    مراقب عام

    User Info Menu

    تم تنقيح الردود واعادة فتح الموضوع
    تنويه //
    يمنع الرد على هذا الموضوع الا من خلال الأخصائية د. أمل المخزومي أو طاقم العمل الإداري والإشرافي
    خاصة أن الموضوع متعلق بإستشارة من العضو في قسم د. أمل
    شاكرين لكم حسن التعاون والتفهم

    دمتم..

  6. شكر لـ صـــابــر على هذه المشاركة من:

    لهيب الماضي (08-09-2017)

  7. #5
    عضو إيجابي جديد

    User Info Menu

    طب ممكن حضرتك تقول لها ترد على موضوعي

  8. #6
    المشرف العام

    User Info Menu

    حياك الله ابنتي الغالية شيم

    ان شاء الله ساقوم بتبليغ أ. د. امل حين دخولها

    ولكنها الان لربما لا تستطيع الدخول للانترنت بسبب وجودها في امريكا

    والمنطقة المعرضة لاعصار ايرما الذي بدا بضرب منطقة فلوريدا

    ادعي لها بكل الخير والله يحفظها وعائلتها من كل سوء





مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •