السلام عليكم أعزائي
أنا عضوة جديد في الحصن النفسي
راح أعرض عليكم قصتي و رجااااءً أنا بعرض بحالتي لحتى ألاقي المساعدة لأني بدي أعالج نفسي،
و بتمنى من اللي بقرأ أنو ما يستهزء أو يوجه الأحكام و الانتقادات،

بسم الله الرحمن الرحيم

أنا طالبة علم نفس
لحد قبل 4 أشهر كنت معروفة كناشطة شبابية وطنية،
كنت قبل سنة ما أترك ورشة عمل إلا أشترك فيها ولا دورة إلا أسجل فيها ولا أعمال تطوعية إلا أكون القيادية فيها،
خلال رمضان 2014 كنت أقضي 15 ساعة خارج البيت بالأعمال التطوعية و ورشات العمل و كل ذلك،
إنسانة بتعشق القرءة و الروايات و أقرأ أي شي لحتى أطور حالي و أحسّن شخصيتيـ ،
كانت شخصيتي و عقلي و قراءاتي هي (كنزي) كان في اقتباس دايماً استخدمه هو :
'نوراً كان او نارا...سأضيء' إسلام حجي ،
كنت إنسانة ماشية على الصراط المستقيم أعمل كل هاي الأشياء مرضاة لربي أو هيك كنت أحكي،
أنو ربنا حكا أنو احنا موجودين لحتى نعمّر الأرض و كنت شايفة أخطاء بمجتمعي فلما بدنا نغير مجتمع نغير أول شيء بأنفسنا،
صحيح كنت أعمل من هاد المنطلق بس كنت بعيدة عن ربنا، ما كنت أصلي ولا أدعي ربنا،
و شوي شوي صرت أعجب بنفسي و أعجب بعقلي و كل الأشياء اللي حققتها بعمر صغير من قراءات أكبر من عمري و كل الأعمال اللي قمت فيها و الخبرة اللي صارت عندي، و كبر هالاعجاب بالذات لصار حب حتى انقلب غرووور،
و بدل ما أضيء نوراً أشعلت بنفسي الناااااااار !!



دخلت بعلاقة مع أول شب و غلطت و بعتلو صور الي، بعدها صرت بدي أبعد عنو بس حكالي انو صار معو مشكلة معينة و هو صغير و كنت أنا اول حد بعرف عن هالموضوع فما قدرت اتركه إلا بعد ما أقنعته يروح لطبيب نفسي و فعلاً راح، تواصلت مع طبيبه النفسي و حكيتلو انو يمهد للشب الموضوع انو بدي اتركه و تم هالاشي،
بعديها صرت مغروورة أكتر و أكتر،
دخلت علاقة مع شب تاني كان يظهرلي أنو وطني و عندو أخلاق و دين و رجولة و كل شي ممكن البنت تحبه بالشب،
ووقعت برضو بأنو حاكيتو كلام سيء أخلاقياً و بعتله صوري و فتحتله الكام بس ما حبيته، كنت داخلة بهالعلاقة بس للتجربة !!
طلع شخص عكس كل شي توقعته قام بعت صوري لأكتر من حد و صوري صارت تنتقل من إيدي لايد و الناس تحكي..

عشان أكون منصفة و أبين دور أهلي بالموضوع:
أهلي ربوني ع الدين و الإيمان، و على العادات و التقاليد اذا كانت متوافقة مع الدين، و كانوا أهل يسألوني شو عملتي وين رحتي و يرافقوني ببعض الأماكن اللي أروحها يتبعولي الفيس بوك تبعي و يسألوني مع مين بتحكي، بس أنا غافلتهم، و لما عرفوا بمشكلتي وقفوا معي و حكولي كل المراهقين بمروا بتجارب متل هيك بس أهم شي نتعلم منها، و راحوا على اللي نشر الصور و أخدوهم منو و ما إلى ذلك.


مشاكلي كانت و مازال بعض منها هي:


  • الغرور
  • الكذب
  • عدم التعلّم من الأخطاء
  • سوء تقدير الذات و أظن أنو اله ارتباط بالغرور
  • ضغوط نفسية شديدة .
  • عدم القدرة على بناء حدود و معرفة خط الرجعة. !!!!!!


الضغوط النفسية و المشاكل المتراكمة و الصدمة من نفسي أدت بي إلى النسيان، و إلى فقدان الذاكرة لفترات قصيرة عدم النوم التوتر و القلق.


أرجوكم أنا عدت إلى الله، صرت أصلي لأني بحب أصلي مش لأنو واجب بس، بدعي ربنا و ربنا بحبني لأنو أعطاني كثيير، ممكن أكثر من ما بستحق، لكن أحسن شي ممكن أعمله أنو أغير فعلاً من نفسي، عن طريق التعلم من اللي صار معي، عن طريق طلب المسااعدة...


أرجوووكم ساعدوني بالتخلص من المشاكل السابقة.